Vertu tilbúin í orkuskiptin
Við komum upp hleðslustöðinni fyrir þig.
Rafeyri ehf.
Um okkur
Rafeyri er alhliða rafverktaki með fjölbreyttan og framúrskarandi mannafla sem leysir víðtæk vandamál. Það myndi æra óstöðugan ef telja ætti upp öll verkefni Rafeyrar á undanförnum árum. Meðal þeirra stærstu má þó nefna aðkomu að byggingu Þeistareykjarvirkjunnar og uppsjávarverksmiðja á Eskifirði, Færeyjum og Rússlandi. Nýframkvæmdir, endurbætur og viðhald rafkerfa fyrir Landsnet og Landsvirkjun auk fjölda verka í samvinnu við Slippinn á Akureyri.
-
Til þjónustu reiðubúin
Á Rafeyri starfar fjölmennur hópur manna tilbúinn að ferðast hvert á land sem er með fjölskrúðuga og víðtæka reynslu á öllum sviðum rafmagns. Reynslan sýnir að bilanir gera sjaldan boð á undan sér og eiga sér ekki endilega stað þegar best stendur á. Við leggjum ríka áherslu á að sinna okkar viðskiptavinum fljótt og vel og biðtími eftir bráðaþjónustu er ávallt stuttur.
-
Alltaf skrefinu á undan
Eitt af leiðarljósum í starfsemi Rafeyrar er að mikil áhersla er lögð á að starfsmenn fái tækifæri til að vaxa í starfi hjá fyrirtækinu og séu upplýstir um nýjustu tækni og aðferðir, séu helst alltaf skrefinu á undan öðrum. Í því skyni sækjum við fagsýningar, fagráðstefnur og námskeið af miklum móð. Ekki aðeins leiðir þetta til ávinnings fyrir starfsmennina þar sem viðskiptavinir Rafeyrar geta reitt sig á hæfi þeirra til að skila góðu og vönduðu verki.
-
Hönnun frá hjartanu
Rafeyri starfrækir hönnunar- og tæknideild sem gerir fyrirtækið fært um að leysa ýmis tæknilega flókin verkefni auk þess að veita viðskiptavinum víðtæka þjónustu í efnisútvegun og upplýsingaleit. Rafeyri gerir einnig föst verðtilboð í einstök verk, viðskiptavinum að kostnaðarlausu. Hafðu samband við okkur eða komdu og fáðu nánari upplýsingar. Við tökum vel á móti þér.
Hvað er að frétta?
Fréttir og tilkynningar
-
Fræknir fírar á Fyrirtækjamóti Blakdeildar KA
Blakdeild KA efndi til fyrirtækjamóts í blaki fimmtudaginn 16. maí 2024. 9 starfsmenn Rafeyrar og ein blakstjarna frá Raftákni lögðu saman krafta sína og mættu til leiks og sýndu alskonar tilþrif.17.05.2024 -
Rafeyri kaupir Víkurraf á Húsavík
Rafeyri ehf. á Akureyri hefur fest kaup á Víkurrafi ehf. á Húsavík. Grundvallaratriði er að starfsmenn Víkurrafs þekkist boð Rafeyrar um að gerast hluthafar í Víkurrafi þannig að fyrirtækið verði áfram húsvískt. Þegar liggur fyrir að nánast allir starfsmenn munu verða eigendur þó að Rafeyri komi til með að eiga meirihlutann.20.02.2024 -
-
Rafeyri hlýtur Forvarnarverðlaun VÍS 2023
Mætum því óvænta af öryggi var yfirskrift Forvarnarráðstefnu VÍS 2023. Rafeyri leggur áherslu á að starfsmenn fyrirtækisins séu sjálfir ábyrgir fyrir eigin öryggi og annarra og að þeir geti mætt fjölbreyttum áskorunum í vinnuumhverfi og verkefnum af kunnáttu og leikni.16.02.2023
Sértu velkomin
Hér erum við
Hafðu samband