Rafeyri ehf. er alhliða fyrirtæki á sviði rafverktöku.

HVAR SEM ER - HVENÆR SEM ER...

Reynslan sýnir að bilanir gera sjaldan boð á undan sér og eiga sér ekki endilega stað í dagvinnutíma. Því bjóðum við viðskiptavinum okkar upp á þjónustu allan sólarhringinn ef á þarf að halda, allan ársins hring.

Hjá okkur er alltaf einhver á vakt

FÖST VERÐTILBOÐ...

Rafeyri gerir föst verðtilboð í einstök verk, viðskiptavinum að kostnaðarlausu. Hafðu samband við okkur eða komdu og fáðu nánari upplýsingar. Við tökum vel á móti þér.

SKREFINU Á UNDAN...

Eitt af leiðarljósum í starfsemi Rafeyrar er að mikil áhersla er lögð á að starfsmenn fái tækifæri til að vaxa í starfi hjá fyrirtækinu og séu upplýstir um nýjustu tækni og aðferðir, séu helst alltaf skrefinu á undan öðrum. Í því skyni sækjum við fagsýningar, fagráðstefnur og námskeið af miklum móð. Ekki aðeins leiðir þetta til ávinnings fyrir starfsmennina heldur hefur Rafeyri fengið á sig það orð að vera framsækið fyrirtæki með fagmenn sem kunna lausnir á viðfangsefnunum.

RAFEYRI KEMUR VÍÐA VIÐ SÖGU

Það myndi æra óstöðugan ef telja ætti upp öll verkefni Rafeyrar á undanförnum árum. Meðal þeirra stærstu má þó nefna stækkun og endurbætur á Lagarfossvirkjun fyrir RARIK og Landsnet, umfangsmiklar raflagnir í aflþynnuverksmiðju Becromal í Krossanesi við Akureyri, vinnu fyrir Norak ehf. við aðveitustöð sömu verksmiðju, viðamiklar endurbætur á rannsóknarskipunum Neptune og Poseidon, rafkerfi í fjölda hraðfiskitrefjabáta fyrir Seiglu ehf., endurbætur og viðhald rafkerfa auk fjölda annarra verka í tengslum við verkefni Slippsins Akureyri og raflagnir í fjórða áfanga Háskólans á Akureyri.

VIÐ VINNUM MEÐ HJARTANU!

Rafeyri þjónar viðskiptavinum sínum vel og tekur skyldur sínar gagnvart starfsmönnum og eigendum alvarlega. En við búum líka og störfum í samfélagi og lítum svo á að þar höfum við einnig skyldum að gegna. Fyrirtækið hefur stutt við starfsemi ýmissa félaga og samtaka, bæði í góðgerðarmálum og íþrótta- og æskulýðsmálum með stórum og smáum framlögum. Eitt skemmtilegasta samfélagsverkefni Rafeyrar og líklega það sýnilegasta er risastórt, upplýst hjarta sem slær í Vaðlaheiði gegnt Akureyri. Hjartað hefur glatt Eyfirðinga og gesti þeirra og vakið verðskuldaða athygli í tengslum við samstarf fjölmargra um að auka jákvæðni í samfélaginu. Rafeyrarmenn eru stoltir af hjartanu!

HJÁLPAR- OG SKRIFSTOFUTÆKJAVIÐGERÐIR

Rafmagn kemur víða við sögu og fjölhæfni því góður kostur hjá fyrirtækjum sem veita þjónustu á þessu sviði. Rafeyri á í samstarfi við Tryggingastofnun um þjónustu við notendur hjólastóla og annarra hjálpartækja sem felst í allt frá dekkjaviðgerðum upp í flóknar rafeindaviðgerðir.

Rafeyri annast einnig viðgerðir á skrifstofutækjum fyrir vaxandi fjölda fyrirtækja.

Rafeyrarmenn hitta í mark

Rafeyrarmenn eru þekktir fyrir góð vinnubrögð og er nákvæmni stór hluti af vandaðri vinnu rafvirkjans á Rafeyri. 
Rafvirkjar eru sérfræðingar að vinna með spennu og voru 26 bogar voru spenntir föstudaginn 19. júní 2015. Eftir að hafa stillt miðin hófst keppni milli einstaklinga og hópa. Allir básar Bogfimisetursins við Austursíðu á Akureyri voru nýttir og örvarnar níddust á skífunum. Hjá sumum var miðjan nánast horfin þegar upp var staðið en aðrir dreifðu álaginu meira. Allnokkrir náðu skori í fimm umferðum yfir 190  en besta skori náði Elvar Þór Bjarnason eða sléttum 200.